Litt­le Wings Ma­ni Mat­ter: «Lüt eso win är»

Dr Mani Matter isch dr bekanntischt Liedermacher vo Bärn. Vili vo syne Stück sy vo Bärner Künschtlere u Künschtler interpretiert worde – und vili vo syne Teggschte sy no hütt presänt, ja aktueller denn je. Dr Jeremias am E-Bass und d Sängere Isabelle hei sech über lengeri Zyt intensiv mit de Lieder usenang gsetzt, hei se in irer rohe Form gnoh und ddrääit, nöi gformt und ganz eigeti Versione drus gmacht, wo me no nie het gghört. Entstange sy chlyni, farbegi, zum Teu unerwarteti und ganz bsungeri Momänte, wo di beide in Ehrfurcht vor em Mani und mit viu Fyngfüeu und Charme präsentiere. Unger de usgwälte Stück finge sech Klassiker, wo jede kennt, aber o Wärch, wo weniger bekannt sy und grad drum nid dörfe i Vergässeheit grate.

Zuesätzlech zum Mani-Matter-Programm spile Little Wings Stück us irem aute Projekt vo de Künschtler Bob Dylan, The Doors, The Rolling Stones und de Beatles – aues genauso grossi Lyriker und Poete wi der Mani.

Isabelle Ritter – Gsang, Gloggespiu, Melodica, Perkussion

Jeremias Keller – E-Bass, Gsang, Melodica